[tlhIngan Hol] 'op Human be'..

[Robyn Stewart]

numuvDI' qunnoq, SIbI' latlhDaj vItu' 'ej ngotlhqu'mo', naQchoH laHDaj 'e'
vIpIH.  tlhetlhqu'taHvIS ghaH, qech pegh vIghajchoH.  valmo' 'ej qeqqu'mo'
'ej Holmaj SaHqu'mo' nom jatlhwI' po' mojta' qunnoq.  wIHo' 'ej wInaD 'e'
baj.  qunnoq Dachugh ghojwI', tugh jatlhwI' moj. numuvpu'mo' jIbel . ratlh
'ej laHDaj DubtaH 'e' vItul.

'a qeqtaHvIS qunnoq, pIj be'pu' tIch mu'tlheghmeyDaj. be' vuvbe'law' qunnoq.
vIghuHmoH 'a tlhIjbe'. jIH muvuvqu'taH 'a be' ghaH Qov'e' 'e' Sov'a' qunnoq?
ngoDvam vI'angDI' mughongchoH'a'? jISovbe'. chaq be' vuD SaHbe' qunnoq.
qatlh SaHnIS? vuDDaj ghaj net chaw, 'ej tIghDaj vISeHbe' jIH. Sar tIghmey.
Sep Hop Dab ghaH. laHDaj vIHo'taH 'ach qechwIj pegh vIlon.  qep'a' ghoSmeH
qunnoq vIDIlbe'. 

wIvuvbe'lu'mo' 'eb law' Hutlh be'pu'.  'a rut nuvuvbe'mo' 'eb jonlaHbe' loD.

- Qov

> -----Original Message-----
> From: tlhIngan-Hol [mailto:tlhingan-hol-bounces at lists.kli.org] On Behalf
Of
> Alan Anderson
> Sent: June 14, 2016 10:26
> To: Klingon language email discussion forum
> Subject: Re: [tlhIngan Hol] 'op Human be'..
> 
> On Tue, Jun 14, 2016 at 10:29 AM, mayqel qunenoS <mihkoun at gmail.com>
> wrote:
> > naymeH loD nejDI' be', wa' Doch neH neH ghaH ; Huch law' ghaj loD neH
> > ghaH. Huch law' ghajchugh loD, vaj pup ghaH. 'ach mIpHa'chugh vaj
> > ghaHvaD veQ ghaH..
> 
> qatlh qechvam QIp DaHar? be'pu' nen vISovbogh jIH Delbe' vuDlIj. chaq
> nughlIj Do'Ha' law' nughwIj Do'Ha' puS. chaq muDech motlhHa'bogh 'ej
> quvbogh nuvpu'. chaq wanI' QaQ neH vIlegh 'ej qabbogh wanI' vItu'be'.
> 
> pagh chaq bIqay' SoH. reH Dumawlaw' vay'. Ha'DIbaHmeymo' bIbep. Hov
> leng HoD Dun DatIch. be'pu' DaqeH. vabDot mI'meymo' bIQay' jay'!
> 
> cho'ItmoHtaH, qunnoq. law'choH tlhIngan Hol jatlhwI'pu' vIneH, 'ach nuvpu'
> tIchmeH neH Holvam lo'DI' qejwI'...vIneHbe'.
> 
> -- ghunchu'wI'
> _______________________________________________
> tlhIngan-Hol mailing list
> tlhIngan-Hol at lists.kli.org
> http://lists.kli.org/listinfo.cgi/tlhingan-hol-kli.org