[tlhIngan Hol] yIn wanI'mey - luHwIj

De'vID de.vid.jonpin at gmail.com
Thu Jun 16 01:45:14 PDT 2016


On 15 June 2016 at 20:19, Alan Anderson <qunchuy at alcaco.net> wrote:
> jIqanchoHlI'. vaghmaH loS ben jIboghpu'. vaj luHwIj qoD nuD Qel net
> chupqu'. wa' Hogh ret qaS. luHwIj vIchImnISmoHpu, 'ej wanI'vetlh
> vISIQchu'taHvIS jIbepbe'. ropyaHDaq SID mopHom vItuQchoH 'ej lengbogh
> QongDaqDaq jIQot. chapwIj DuQlu' 'ej 'aDwIjDaq HerghHey 'elmoHlu'.
> SIbI' DIrwIjvo' nargh bIQ bIr,

maQmIgh 'oH'a'? nuq 'agh? rop'e' 'aghbogh bIQ bIr vISovbe', ropvam yIngu'.

> 'ej rachwI'vaD ngoDvam vISovmoH.
> jIbItqu' 'e' Harlaw' ghaH, 'ej jIQoylaHbe'taHvIS Hergh loHwI' ja':

bIQoylaHbe'taHchugh chay' mu'meyDaj DaSov? :-)

> yIvulmoH. nuDwI' pa'Daq vIQaylu' 'ej Hergh HoS vIHev. mu'aw'choHmo'
> chapwIj 'loQ jIbep...'ej pay' pa' pImDaq jIvem. tugh paw Qel 'ej
> qoDwIj cha'bogh mIllogh 'ang. muHoy' 'ej muja': bIpIv. bISay'qu'.
> bImejlaH.
>
> qaStaHvIS cha' jaj qIt chImHa'choH luHwIj. DaH Qapqa'chu'.

bIpIvtaHjaj.

-- 
De'vID



More information about the tlhIngan-Hol mailing list