[tlhIngan Hol] yIn wanI'mey - luHwIj

Alan Anderson qunchuy at alcaco.net
Wed Jun 15 11:19:59 PDT 2016


jIqanchoHlI'. vaghmaH loS ben jIboghpu'. vaj luHwIj qoD nuD Qel net
chupqu'. wa' Hogh ret qaS. luHwIj vIchImnISmoHpu, 'ej wanI'vetlh
vISIQchu'taHvIS jIbepbe'. ropyaHDaq SID mopHom vItuQchoH 'ej lengbogh
QongDaqDaq jIQot. chapwIj DuQlu' 'ej 'aDwIjDaq HerghHey 'elmoHlu'.
SIbI' DIrwIjvo' nargh bIQ bIr, 'ej rachwI'vaD ngoDvam vISovmoH.
jIbItqu' 'e' Harlaw' ghaH, 'ej jIQoylaHbe'taHvIS Hergh loHwI' ja':
yIvulmoH. nuDwI' pa'Daq vIQaylu' 'ej Hergh HoS vIHev. mu'aw'choHmo'
chapwIj 'loQ jIbep...'ej pay' pa' pImDaq jIvem. tugh paw Qel 'ej
qoDwIj cha'bogh mIllogh 'ang. muHoy' 'ej muja': bIpIv. bISay'qu'.
bImejlaH.

qaStaHvIS cha' jaj qIt chImHa'choH luHwIj. DaH Qapqa'chu'.

-- ghunchu'wI'



More information about the tlhIngan-Hol mailing list