[tlhIngan Hol] Goat animal

[mayqel qunenoS]

jatlhDI' vay', tlhIngan Hol vIghoj, vaj motlh Hagh nuvpu'.

qatlh Hagh chaH ? tu'HomI'raH 'oH tlhIngan Hol'e' 'e' luHarmo'. 'ej
qatlh luHar ?

mu'tay' QemjIq law' ghajmo' tlhIngan Hol. 'ej maH - tlhIngan yej'an -,
chay' mavang ?

nItlhmaj 'emDaq maSo'taH. tlhIngan Hol mu'tay' yapHa' wItlhojQo'. 'ej
ngoQvam wIjunmeH nuq wIjatlh ?

majangtaH, Hol nov 'oH tlhIngan Hol'e'. 'ej novmo', mu'tay' QemjIqmey ghaj..

vangmeH tIghvam wI'aghtaHmo', tlhIngan Hol wIQIvmoH. 'ej nItlhmaj
'emDaq maSo'taHmo', nunuS nuv.

'op ret, jIjatlh : mu'mey chu' chenmoHmeH mIw ghaj *lojban* ; 'ej wa'
jaj mIwvetlh ghajnIS je tlhIngan Hol.

DaHjaj, mu'mey'vam vIjatlhqangqa'bej. tlhIngan Hol vImuSHa'mo', naQchoH vIneH.

mu'mey chu' boSuqmeH qep'a' qepHom je boloSqang ? boloSqangba' 'a jIHbe'.

qaStaHvIS maH DIS poHmey veb, taHmeH tlhIngan Hol naQchoHnISbej.

qatlh tlhoS pagh jatlhwI' chu' tu'lu' ? wa'vam ngoD luSovbejmo' :
yapHa' tlhIngan Hol.

'ej yapHa'mo' tlhIngan Hol, qatlh lughojmeH vum ?

DaH, chaq tughel : yapHa'chugh tlhIngan Hol vaj qatlh Daghojta' ?

'ej jIjang : pabDajmo' neH 'ej QIchDajmo' neH. 'ej meq peghmo'..

'a jIleghlaHbe'Qo' 'ej vIt vItemQo'.. latlh mu'mey' law' ghajnISbej
tlhIngan Hol.

nach velwI' qIj

2016-07-29 7:56 GMT+03:00 Ed Bailey <bellerophon.modeler at gmail.com>:
> tera' Ha'DIbaH bIH SajwIj'e' 'a reH bIHvaD vIghro' vIpong. rut tlhIngan mu'
> vIlo' 'e' ngeD law', mu' nov vIngIp 'e' ngeD puS. (mu'tlhegh vorgh vIqonDI',
> pab vIwem 'e' DaHarchugh, HIqaD!)
>
> mIp'av yergho
> bu'a'
> bachwI'
> IKAV chuch 'etlh
>
> _______________________________________________
> tlhIngan-Hol mailing list
> tlhIngan-Hol at lists.kli.org
> http://lists.kli.org/listinfo.cgi/tlhingan-hol-kli.org
>