[tlhIngan Hol] DaH turIqya'Daq DevwI'quv SughHa' 'e' nIDlI' QI'

[Brent Kesler]

tay'be' QI'.

qaStaHvIS wa'maH wej DISmey, turIqya' che' 'erDowan.

turIqya'Daq QI' lumuvmeH, Sapbe' rewbe'pu'. QaS moj rewbe'pu' 'op 'e' raD
qum, vaj 'erDowan luparHa' QaSvam law'.

DIS 2007, Sa'pu' SughHa'ta' 'erDowan, 'ej ghaHvaD matlhbogh Sa'pu' chu''e'
Sughta'. QuD naDQo' Sa'pu'vam.

vaj yaS patlh 'eS ghajlaw' QuSwI'pu'. 'ajpu', Sa'pu' je chaHbe', 'ach
totlhpu', 'echpu' je chaH.

tawmey jaH QaS 'e' ra'pu'DI' QuSwI'pu', chaq qaSlI' QuD 'e' Sovbe' QaS.

On Fri, Jul 15, 2016 at 10:06 PM, Brent Kesler <
brent.of.all.people at gmail.com> wrote:

> 'IStanbulDaq lujlaw'lI' QuD, 'ach {'anqara'}Daq SuvtaH. turIqya' mon 'oH
> 'anqara''e'.
>
> On Fri, Jul 15, 2016 at 9:47 PM, Brent Kesler <
> brent.of.all.people at gmail.com> wrote:
>
>> joSmey:
>>
>>      nuvmeyDaq jorwI'mey ghaylI' QI muD Dujmey. joSHey 'oH.
>>
>>      jeghpu' QuSwI'pu' 'op ja' {weSlIy tlharq} Sa' 'utlh.
>>
>>
>>
>> On Fri, Jul 15, 2016 at 9:41 PM, Brent Kesler <
>> brent.of.all.people at gmail.com> wrote:
>>
>>> ja' 'erDowan:
>>>
>>>      qaStaHvIS loSmaH DISmey, QI' vev'eghlI' tlhachHom.
>>>
>>>      {PenSIlvanya'}vo' Qu'mey Hev tlhachHomvam.
>>>
>>>      QuD QuSwI'pu' tojta' tlhachHomvam.
>>>
>>>
>>> taQ. meqDajmey pongpu' QI'. qum SeH lalDan 'e' bot neH QI'. 'ach QI' SeH
>>> {'ISlam} pabwI'pu' tlhach 'e' pum 'erDowan.
>>>
>>> penSIlvanya'vo' Qu'mey HevtaH tlhachvam 'e' ja'DI' 'erDowan, Fethullah
>>> Gülen bop. 'ISlam ghojmoHwI' ghaH, 'ej pensIlvanya' Dab.
>>>
>>> qum HurDaq lalDan neH QI'. qaStaHvIS vatlh DIS poH, Qu' 'oH. QI' SeH
>>> Gülen tlhach 'e' vIHarlaHbe'.
>>>
>>>
>>> On Fri, Jul 15, 2016 at 9:18 PM, Brent Kesler <
>>> brent.of.all.people at gmail.com> wrote:
>>>
>>>> 'IStanbul muD Duj waw' pawta' 'erDowan. SoQ jalthrupchoHlI'.
>>>>
>>>> On Fri, Jul 15, 2016 at 9:16 PM, Brent Kesler <
>>>> brent.of.all.people at gmail.com> wrote:
>>>>
>>>>> ngoch nov vIHaDtaHvIS, qech potlh vIghojpu.
>>>>>
>>>>> QapmeH QI' QuD, wej Dochmey SeHnIS QI':
>>>>>
>>>>>  1. DevwI'quv juH'a'.
>>>>>  2. yej'a'
>>>>>  3. De' chu' tummey.
>>>>>
>>>>> woQ tlhapta' 'e' 'angmeH, DevwI'quv juH'a' SeHnIS. QuD naDmeH, yej'a'
>>>>> SeHnIS. rewbe'pu' ja'meH, De' chu' tummey SeHnIS.
>>>>>
>>>>> wej Dochmeyvam SeH 'e' lujlaw'lI' QI'. ralqu'rupchugh QI', choHlaH
>>>>> ghu'vam.
>>>>>
>>>>>
>>>>>
>>>>>
>>>>> On Fri, Jul 15, 2016 at 9:03 PM, Brent Kesler <
>>>>> brent.of.all.people at gmail.com> wrote:
>>>>>
>>>>>> SepDaj HurDaq gheQtaHvIS turIqya' DevwI'quv {rejep tayyIp 'erDowan},
>>>>>> qum SeHchoH 'e' nIDlI' QI'.
>>>>>>
>>>>>> QI' lu'omchoH rewbe'pu' 'e' tlhobpu' 'erDowan. tlhobmeH, {Facetime}
>>>>>> lo'pu'. turIqya' cheghmeH puvlI'.
>>>>>>
>>>>>> QI' lu'ommeH, tawmeyDaq ghomta' nuvpu' law'. rewbe'pu' HIvQo' QaS.
>>>>>>
>>>>>> {'Istanbul}Daq muD Duj waw' SeH ghom'a'. cheghmeH 'erDowan, chaw'laH.
>>>>>>
>>>>>> De' chu' tummey 'op Dan QI', 'ach tlhabtaH latlhmey.
>>>>>>
>>>>>> yej'a'Daq jorpu' jorwI', 'ach rIQ nuvmey puS.
>>>>>>
>>>>>> 'IStanbulDaq SuvlI' negh, veng 'avwI'pu' je. negh 'op qopta' veng
>>>>>> avwI'pu'.
>>>>>>
>>>>>> QI' naDQo' 'erDowan parbogh tlhachmey'e'. potlhqu'bej. turIqya'Daq
>>>>>> 'erDowan parchugh vay', parqu'qu'.
>>>>>>
>>>>>> QI' naDQo'chugh 'erDowan jaghmey, lujlaw'lI' QI'.
>>>>>>
>>>>>>
>>>>>> bI'reng
>>>>>>
>>>>>>
>>>>>
>>>>
>>>
>>
>
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20160715/18156a6a/attachment.htm>