[tlhIngan Hol] The good samaritan

[mayqel qunenoS]

poH nI' ret, tawDaq yIt loD Hurgh..

qaStaHvIS DIS law', HoS'a' Hurgh chavmeH qeqtaH loDvetlh, 'ej QapmeH
vumta'mo', tagha' ngoQDaj chavta': wa' lumoj HoS'a' Hurgh qa'Daj je.

'a ghalchoH Qun'a'; lajQo'ta'mo' loDvam, ghalchoH Qun’a’.. vaj
tawvetlhDaq yIttaHvIS loDvetlh HIv Qun’a’.. qa'Daj qIp 'ej pe'vIl
tIqDajvo' HoS'a' Hurgh lel. ghIq toy'wI''a' mojmoHmeH qa'DajDaq HoSqoq
wov lan. tagha' Humanpu' muSmo' Qunvam, lon..

‘ach, HoSqoq wov lajlaHbe' loDvetlh. HoSqoqvammo' 'oy'taH 'ej noghtaH.
'ach Do', tawvetlhDaq yIt je qa' mIgh. loDvetlh leghDI' vup, vaj
QaHmeH vang: tIqDajvo' HoSqoq wov lelmeH ghe''or rIt. ghIq chIrgh
HurghDaq loDvetlh qeng 'ej pIn’a’pu’ qIj ra': joHma' ngay'vaD loDvam
yIHurghmoH ! tagha' ghe''orDaq cheghmeH chIrghvetlhvo' ngab.

..qaStaHvIS DIS law', Qun'a' QIH lutI'meH nID pIn’a’pu’vam Hurgh 'ej
tagha' Qap. pIvchoH loD'e' QIDta’bogh Qun'a', ‘ej tIqDajvo' HoSqoq wov
vuj. SIbI' joH'a' Hurgh naD 'ej tawDaq lengqa'.

qunnoH jan puqloD