[tlhIngan Hol] meqmeyvammo' numuStaH

[mayqel qunenoS]

qen, much vIbejtaHvIS pa' jatlhlu':

tera'vamDaq yItchoHDI' Qunpu', bechchoH Humanpu'.

mu'meyvam vIQoyDI', SIbI' wa' ngoD potlh vItlhoj; lughlu'bej.

chaq chalvo' paw Qunpu'vam, chaq be'vo' bogh Qunqoqvam.. 'ach teH wa' Doch
neH; numuStaH. numuSqu'taH.

peghel'egh.. peghel'egh DaH 'e' vIpoQ.  nuSeHmeH Qunpu'vam qatlh reH nID
chaH. meq le'mo' qaStaH wanI'vam. 'oHvaD meq tu'lu' net poQ. qar'a'.

'ach, nuq 'oH meqvam'e'. Datu'meH tlhab yabraj net 'utmoH. 'ach
toy'wI''a'pu' lImojmoHchugh Qunpu'qoqvam, not vIt DatlhojlaH..

meq law'mo', numuStaH HI''a'pu'vam, Qunpu'qoqvam..

mamuSHa'laHmo', manga'chuqlaHmo', manonglaHmo' numuStaH. ngajmo' yInmaj
potlh yInvam, 'ej jubbe'wI' maHmo' meHghem wIchenmoHlaH. jubbe'wI' maHmo'
nenchoHlaH qa'maj, 'ej jubbe'wI' maHmo' potlh Hoch tup Hoch lup'e'.

pagh Qunpu' DIlob net 'utmoH; pagh HI'pu', pagh HI''a'pu'.

maHvaD Qun 'oH qa'ma''e' neH..

qunnoH jan puqloD
ghoghwIj HablI'vo' vIngeHta'
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20161203/30152c91/attachment-0001.htm>