[tlhIngan Hol] Leave no man behind

[mayqel qunenoS]

much Sar vIbejtaHvIS jatlhtaHbogh 'amerI'qa' mangppu' vItu':
che'ronDaq, pagh mang yIlon.

'ej reH, meq law'mo' mu'meyvam vIHo'.. quv batlh je chIw, 'ej mangpu'
rarbogh ruS le' luchIw je.

che'ronDaq, pagh mang yIlon.. Qob tu'lu'taHvIS pagh mang yIlon..
jaghpu' ghopDu'Daq pagh mang yIlon..

'a, DaH peghel'egh. mangpu' neH bop'a' mu'meyvam. 'ej yIn ghu'mey
bopojlaHchugh, vaj wa' vIt potlh botlhojlaH: Hoch yIn ghu'mey bop
mu'meyvam: juppu', qorDu', lalDan, Hoch.

nuvvaD bIpotlhchoHDI', vaj reH ghaHvaD bISaH net 'utmoH. SoHmo'
tulchugh nuv, vaj DabelHa'be'moH net 'utmoH. qorDu' DachenmoHDI',
qorDu'vamvaD Hoch DanoblaH net poQ.

naDev, majatlh: qo'vaD wa' nuv neH SoH, 'a nuvvaD qo' Hoch SoHlaH.

chaq SeprajDaq mu'meyvam bojatlh je, chaq bojatlhbe'; 'a reH rap vIt:
nuwuvbogh nuvpu'vaD, reH DIQaHrup net poQ. DIQaHrupbe'chugh vaj yIn
che'ronDaq DIlonta'.

qunnoH jan puqloD
SuvwI' Hol tughojmoHta'mo' Satlho'